Үндэсний ажил, мэргэжлийн ангилал ба тодорхойлолт-08

Код 2144-10
Нэр Механикч инженер
Төрөл Индекс
Төлөв A
Үүсгэсэн цаг 2025-07-06 14:41:55
Англи нэр
Mechanical Engineer
Тодорхойлолт
Механик инженер нь халаалт, салхи сэлгэлт, агааржуулалт, эрчим хүч, тээвэрлэх, боловсруулах, үйлдвэрлэх машин, механизм, системийг судалж, зохиомжилж, хөгжүүлнэ. Түүнчлэн механик системийг үнэлэх, суурилуулах, ажиллуулах, засвар үйлчилгээ хийхэд хяналт тавина. Өгөгдлийг судалж, дүн шинжилгээ хийнэ.
Чиг үүрэг
  1. Механизм, эд анги, системийн техник эдийн засгийн үндэслэл, дизайн, ашиглалт, гүйцэтгэлийн судалгаа хийх;
  2. Машин механизм, системийн материал, зардал, цаг хугацааны тооцоо, тайлан, зураг төслийн тодорхойлолтыг бэлтгэж, төсөл төлөвлөх, удирдах;
  3. Цахилгаан станц, машин, эд анги, багаж хэрэгсэл, бэхэлгээ, тоног төхөөрөмжийн дизайн гаргах;
  4. Механик систем, байгууламжийн динамик, чичиргээг шинжлэх;
  5. Барилгын талбай эсвэл үйлдвэрлэлийн байгууламжид механик системийн суурилуулалт, өөрчлөлтийг шалгах, ашиглалтад оруулахад хяналт тавих;
  6. Засвар үйлчилгээний стандарт, хуваарь, хөтөлбөрийг боловсруулж, үйлдвэрлэлийн засвар үйлчилгээний багийг удирдан чиглүүлэх;
  7. Механик гэмтэл эсвэл засвар үйлчилгээний гэнэтийн тохиолдлыг судлах;
  8. Үйлдвэрийн барилга угсралт, засвар үйлчилгээний тендерийг үнэлэх болон гэрээний баримт бичгийг бүрдүүлэхэд оролцох;
  9. Техникч, технологич, бусад инженерүүдийг зохион байгуулж, зураг төсөл, тооцоолол, зардлын тооцоог хянаж батлах.
Мэдлэг
  • Maтематик
  • Машин тоног төхөөрөмж, механикжуулалт
  • Физик
  • Teхник зохиомж
  • Барилгын автоматжуулалт
  • Механик
  • Инженерийн зарчим
Ур чадвар
  • Инженерийн зураг төслийг батлах
  • Техникийн шаардлагыг тодорхойлох
  • Халаалт, хөргөлтийн системийг тодорхойлох
  • Машин, тоног төхөөрөмжийг хянах 
  • Техникийн зургийн программ ашиглах
Ажил мэргэжлийн жишээ
  • Машин механизмын инженер
  • Механикч инженерийн зөвлөх
  • Механикч инженерийн мэргэжилтэн
  • Технологийн механикч инженер