Үндэсний ажил, мэргэжлийн ангилал ба тодорхойлолт-08

Индекс: 2513-11

Код 2513-11
Нэр Анимейшн дизайнер /зохион бүтээгч/
Төрөл Индекс
Төлөв A
Үүсгэсэн цаг 2020-02-01 06:41:59
Өөрчлөлтийн түүх
Англи нэр
Animation designer
Тодорхойлолт
Анимэйшн дизайнер нь кино, телевиз, видео тоглоом, сурталчилгаа, дижитал платформ зэрэг олон төрлийн медиа форматаар санааг дамжуулж, түүхийг өгүүлэн, үзэгчдийг татах анимэйшн дүрслэл бүтээнэ. Урлагийн мэдрэмжийг техникийн ур чадвартай хослуулан дүрүүд, орчин, эд зүйлсийг хөдөлгөөнөөр амилуулахад чиглэгдэнэ. Анимэйшн дизайнер нь кино продакшн студи, зар сурталчилгааны агентлаг, тоглоом хөгжүүлэлтийн компани, дижитал маркетинг болон медиа компаниудад ажиллах боломжтой.  Анимэйшн дизайнерын ажил нь хатуу хугацаатай, хурдан хэмнэлтэй, төсөл болон бүтээлч мэргэжилтнүүдтэй тогтмол хамтран ажиллах шаардлагатай орчинд явагдана.
Анимэйшн дизайнер нь үзэгчдийн сонирхлыг татах, динамик дүрслэл үүсгэхэд чухал үүрэгтэй бөгөөд энэ нь урлаг болон технологийг хослуулсан бүтээлч, өндөр техникийн мэргэжил юм.
Чиг үүрэг
  1. Найруулагч, зохиолч болон үйлчлүүлэгчидтэй хамтран утга санааг боловсруулж хөгжүүлэх;
  2. Эцсийн анимэйшн хэрхэн урсахыг дүрслэхийн тулд үзэгдлийн дараалал, цаг хугацаа, хөдөлгөөнийг тодорхойлсон хэлхээс /стори борд/ үүсгэх;
  3. Скрипт эсвэл товч агуулгын дагуу дүр, дэвсгэр, орчинг бүтээж хөгжүүлэх;
  4. Анхны загварыг анимэйшн болгохын тулд дижитал хэрэгсэл эсвэл гар зургаар бүтээх;
  5. Frame-аар хийдэг буюу компьютерээр үүсгэгдсэн анимэйшн бүтээхийн тулд анимэйшн програм хангамж ашиглах ба 2D, 3D, stop-motion эсвэл хөдөлгөөнт график гэх мэт аргуудыг ашиглах;
  6. Дүрүүдийн хөдөлгөөн, илэрхийлэл, дохио болон шилжилтүүдийг анимэйшн болгон дүрсэлж түүхийг өргөжүүлж, үзэгдлийг сонирхолтой болгох;
  7. 3D анимэйшн-д дүрс, бүтэц нэмэх болон дүр ба эд зүйлсийн бодит хөдөлгөөнийг хангахын тулд риггинг буюу "яс" суурилуулалт хийх;
  8. 3D моделлерууд болон риггерүүдтэй хамтран анимэйшний хэв маяг, зорилгод нийцсэн хөрөнгийг хөгжүүлэх;
  9. Анимэйшнд бодит байдлыг нэмэх буюу урлагийн хүрээнд мэдрэмж төрүүлэхийн тулд визуал эффектүүдийг нэгтгэх;
  10. Дүрүүд, дэвсгэр, эффектүүдийг нэгтгэн бүхэл бүтэн үзэгдлийг үүсгэхийн тулд олон элементүүдийг хооронд нь нийлүүлэх;   
  11. Анимэйшн нь чанарын стандартад нийцэж байгааг баталгаажуулж, цаг хугацаа, хөдөлгөөн болон бусад элементүүдийг тохируулж зөөлөн шилжилт үүсгэх;
  12. Дууны инженерүүдтэй хамтран дуу чимээ, яриа болон хөгжмийг нэмж эцсийн бүтээгдэхүүнийг сайжруулах.
Мэдлэг
  • Дүрс ялгаралтын техник, гэрэлтүүлэг болон дүрсний чанарыг нэмэгдүүлэх бусад техникийн элемент 
  • Дүрс болон дүрүүдийн хөдөлгөөн
  • Хөдөлгөөнт текст, хийсвэр дүрслэлүүдэд моушн график ашиглах, мөн анимэйшнд бодит эсвэл урлагийн өнгө төрх нэмэх визуал эффект (VFX) 
  • Зургийн чанарыг сайжруулах рендэрлэх техник, гэрэлтүүлэг тохиргоо
  • Хөдөлгөөнийг байгалийн мэт харагдуулахын тулд цаг хугацаа, зай, хэмнэлийг хянах мэдлэг
  • Жин, татах хүч зэрэг физикийн зарчим
  • Үзэгчийн анхаарлыг удирдахуйц өнгөний онол болон найруулгын зарчим
Ур чадвар
  • Дүр, орчин, үзэгдлийг зурах, дүрслэх
  • Тодорхой шинж чанартай дүрийг хөгжүүлж, сонирхол татахуйц өгүүлэмж бүтээх
  • Хүрээ бүрээр хөдөлгөөн зурах, интерполяци хийх, дүрийн рам үүсгэх зэрэг техникийг ашиглах
  • Adobe After Effects, Toon Boom, Blender, Maya, Cinema 4D зэрэг анимэйшн программ дээр ажиллах
  • 3D анимэйшнд 3D загвар бүтээх, гадаргын дэлгэрэнгүй мэдээлэл нэмж өгөх, хөдөлгөөнд зориулсан рам тавих
  • Интерактив медиа (апп, вэбсайт зэрэг)-д зориулсан анимэйшнд хэрэглэгчийн туршлага (UX), интерфэйсийн (UI) зарчмууд дээр үндэслэн навигац, хялбар хэрэглээг дэмжих
  • Багийн гишүүд болон үйлчлүүлэгчдэд санаа, үзэгдлийг тодорхой илэрхийлэх зорилгоор өгүүлэмжийн зураглал гаргах;
  • Зохиогчид, дизайнерууд, найруулагчид болон бусад багийн гишүүдтэй үр дүнтэй харилцах, санал шүүмжийг боловсруулах
  • Үзэгчдийн сонирхлыг татах хурд, камерын өнцөг, драмын нөлөө бүхий өгүүлэмжийг дүрсээр дамжуулан илэрхийлэх
  • Дүрсэлж зурах, дүрийн загвар болон зохиомж боловсруулах
© Гэр бүл, хөдөлмөр, нийгмийн хамгааллын яам