Ажил мэргэжил

Тодорхойлолт

Борлуулалтын ажилтан бөөний буюу жижиглэн худалдааны дэлгүүр, мухлагт, зах дээр, хаалганаас-хаалганд явж, утсаар эсвэл хэрэглэгчтэй холбоо барих төвөөр дамжуулж бараагаа сурталчилж, худалдана. Тэрээр худалдсан бараа, үйлчилгээний төлбөрийг хүлээн авч бүртгэх ба жижиглэнгийн худалдааны жижиг цэг ажиллуулж болно.

Гүйцэтгэх үүрэг

Бөөний буюу жижиглэнгийн худалдааны дэлгүүр, мухлагт, зах дээр, хаалганаас-хаалганд, утсаар эсвэл хэрэглэгчтэй холбоо барих төвөөр дамжуулж бараа худалдах, хэрэглэгчдэд барааг дэлгэж танилцуулах, шууд хэрэглэх хоол хүнсийг лангуун дээр болон гудамжинд худалдаж үйлчлэх, худалдах бараа бүтээгдэхүүнийг тогтмол нийлүүлэх талаар гэрээлэх буюу худалдан авах, худалдах барааг өрөх, дэлгэж тавих, худалдсан барааг ороох, боох, худалдах бүтээгдэхүүний нэр төрөл, нөөц, үнийн түвшинг тогтоох, бэлэн мөнгөний бүртгэл хөтлөх, үнэ унших оптик спаннер ажиллуулах, худалдсан бараа, үйлчилгээний төлбөрийг хүлээн авч бүртгэх компьютер, бусад тоног төхөөрөмжийг ажиллуулах. Бусад ажилтны ажилд тавих хяналт энэ ангиллын зарим ажил мэргэжилд шаардагдаж болно.

Тайлбар

Дэлгүүрийн болон борлуулалтын менежерийг Үндсэн бүлэг 1 буюу “Менежер” гэсэн бүлэгт хамруулна. Техник, эмнэлгийн болон мэдээлэл, харилцааны технологийн (МХТ) худалдааны мэргэжилтнийг Үндсэн бүлэг 2 буюу “Мэргэжилтэн” гэсэн ангилалд, арилжаа, даатгалын төлөөлөгч, санхүү, худалдааны брокерыг Үндсэн бүлэг 3 буюу “Техникч ба туслах мэргэжилтэн” гэсэн ангилалд, гудамжинд худалдаа, үйлчилгээ хийгчийг (хүнс орохгүй) Үндсэн бүлэг 9 буюу “Энгийн ажил, мэргэжил” гэсэн ангилалд тус тус хамруулна.

Төрөл	Код	Нэр
Бүлэг	521	Гудамж, захын худалдаачин
Бүлэг	522	Дэлгүүрийн худалдааны ажилтан
Бүлэг	523	Кассчин, тасалбар олгогч
Бүлэг	524	Борлуулалтын бусад ажилтан

Үндэсний ажил, мэргэжлийн ангилал ба тодорхойлолт-08