Үндэсний ажил, мэргэжлийн ангилал ба тодорхойлолт-08

Ангилал: 2162

Код 2162
Нэр Газар тохижуулалтын архитекторч
Төрөл Ангилал
Төлөв A
Үүсгэсэн цаг 2020-02-01 06:38:32
Тодорхойлолт
  • Газар тохижуулалтын архитекторч нь цэцэрлэгт хүрээлэн, сургууль, аж ахуйн нэгж байгууллага, зам, худалдаа үйлчилгээ, орон сууцны барилгын гадна талбайн газрын тохижуулалт, задгай орон зайн тохижуулалтыг төлөвлөх, барилга угсралт, ашиглалт, засвар арчилалтын явцад хяналт тавих ажлыг гүйцэтгэнэ.
Гүйцэтгэх үүрэг
  • а) газар тохижуулалтын архитектурын шинэ онол, хэрэглээний арга зүйг боловсронгуй болгох, сайжруулах,
  • б) санал болгож буй барилга, цэцэрлэгт хүрээлэн, зам, бусад задгай орон зайн төрөл, хэв маяг, хэмжээг тогтоох зорилгоор тухайн орон зайг судлах, захиалагч, удирдлага бусад оролцогчдод зөвлөх,
  • в) тухайн газарт оршин суугчдын хүсэлт, газар зүйн болоод экологийн онцлог, газрын тогтоц, хөрс, ургамал зүй, гидрологи, харагдах шинж, хүний гараар бүтээн байгуулсан бүтээц зэргийн мэдээллийг судлах, газрыг хэрхэн ашиглах боломж, барьж байгуулахад анхаарах асуудал, хүрээлэн буй орчинд учруулах нөлөөллийн талаарх судалгаа дүгнэлт гаргах,
  • г) газар ашиглах тайлан бэлтгэх, түүнд талбайн төлөвлөлт, ажлын зураг, тодорхойлолт, үнэлгээг бэлтгэх, байршлыг тусгасан нарийвчилсан мэдээлэл тухайлбал газрын загварчлал, барилгын, гадна тохижилт, зүлэгжүүлэлт, орц, гарц зэргийг тусгах,
  • д) барилга угсралтын ажилд хэрэглэх, эсхүл тендер зарлахад ашиглах техникийн тодорхойлолт, гэрээний баримт бичгийг бэлтгэх,
  • е) төсөл нь хэв маяг, өртөг, хугацааны хувьд хэрэгжих боломж, хууль тогтоомжийн шаардлагад нийцэх эсэх талаар дүгнэлт гаргах,
  • ж) гадна орчны байдал, бусад хамааралтай барилга байгууламжтай холбоотой асуудлыг шийдвэрлэх оновчтой аргыг тогтоох, шаардлагатай зураг төсөл, төлөвлөлт, ажлын зургийг гаргах, зөвөлгөө өгөх,
  • з) техникийн норм, нормативийн шаардлага, чанарын стандартад нийцүүлэн барилга угсралтын болон засварын ажлыг хянах,
  • и) бусад холбогдох мэргэжилтнүүдтэй газар тохижилтын асуудлаар зөвлөлдөх.
Ажил мэргэжлийн жишээ
  • Газар тохижуулалтийн архитекторч
Холбогдох ажил мэргэжил
  • 2161 Барилгын архитекторч
  • 2164 Хот байгуулалт, тээврийн хөдөлгөөн төлөвлөгч
Тайлбар

Дэд ангилалууд

Төрөл Код Нэр
Мэргэжил 2162-11 Газар тохижуулалтын архитекторч
© Хөдөлмөр нийгмийн хамгааллын яам