Үндэсний ажил, мэргэжлийн ангилал ба тодорхойлолт-08

Индекс: 2166-15

Код 2166-15
Нэр Системийн дизайнер
Төрөл Индекс
Төлөв A
Үүсгэсэн цаг 2020-02-01 06:41:17
Өөрчлөлтийн түүх
Англи нэр
System Designer
Тодорхойлолт
Системийн дизайнер нь программ хангамжийн хөгжүүлэлт, харилцаа холбоо, аж ахуйн нэгж байгууллагууд зэрэг олон салбарт нарийн төвөгтэй системийн архитектурыг бүтээх, тодорхойлох үүрэгтэй. Техникийн мэдлэг, дизайны зарчим, болон төсөл удирдлагын ур чадварыг хослуулан системийн хэрэглэгчдийн болон оролцогч талуудын шаардлагад нийцсэн нарийн төвөгтөй ажлыг гүйцэтгэдэг. Системийн дизайнер нь хэрэглэгчийн хүсэлтийг хэрэгжүүлэх, дизайны шийдэлд хөрвүүлэх, олон оролцогч талуудтай хамтран ажиллах, эцсийн бүтээгдэхүүн нь функцийн болон гүйцэтгэлийн шаардлагуудыг хангаж байгааг баталгаажуулахад чухал үүрэг гүйцэтгэнэ.
Чиг үүрэг
  1. Системийн функцийн болон функциональ бус шаардлагыг бичиг баримтжуулах;
  2. Оролцогч талуудтай хамтран системийн шаардлагыг цуглуулах, дүн шинжилгээ хийх, хэрэглэгчийн хэрэгцээ болон бизнесийн зорилтуудыг ойлгох;
  3. Системийн нийт архитектурыг хөгжүүлэх, үүнд тоног төхөөрөмж, программ хангамж, сүлжээ, баазын бүрэлдэхүүн хэсгүүдийг оруулах;
  4. Системийн бүрэлдэхүүн хэсгүүд хэрхэн харилцан үйлчлэх, нэгдэхийг тодорхойлох өндөр түвшний болон нарийвчилсан дизайн техникийн тодорхойлолтыг бүтээх;
  5. Төсөлд тохирсон технологи, хэрэгсэл, платформуудыг үнэлэх, зөвлөгөө өгөх;
  6. Шинээр гарч ирж буй технологиуд, салбарын чиг хандлагын талаар мэдээлэлтэй байх, системийн дизайнд шинэ шийдлүүдийг оруулах;
  7. Хөгжүүлэлтийн явцад гарч болох дизайны асуудлыг шийдвэрлэхэд зөвлөх, дэмжлэг үзүүлэх;
  8. Системийн интеграцийг шалгах болон хэрэглэгч хүлээн авах хяналт зэрэг шалгалтын ажиллагаанд оролцох;
  9. Системийн гүйцэтгэлийг хянаж, сайжруулалт, оновчтой болгох талаар санал гаргах;
  10. Системийн найдвартай байдлыг хангах, хэрэглэгчийн өгөгдлийг хамгаалахын тулд аюулгүй байдлын арга хэмжээг хэрэгжүүлэх.
Мэдлэг
  • Системийн архитектурын зарчим
  • Тоног төхөөрөмж, программ хангамж, сүлжээний бүрэлдэхүүн хэсгийг хэрхэн дизайны болон бусад өгөгдлүүдтэй нэгтгэх талаар
  • UML (Нэгдсэн Моделийн Хэл) эсвэл SysML (Системийн Моделийн Хэл) зэрэг моделийн хэл
  • Программ хангамжийн хөгжлийн арга
  • Программчлалын хэл, сценарийн хэл
  • Өгөгдлийн сан, өгөгдлийн загварчлал
Ур чадвар
  • Системийн үйл ажиллагааг дүрслэх, оролцогчдоос санал авахын тулд прототип буюу загварыг бий болгох 
  • Төвөгтэй асуудлуудыг илрүүлж, шинжилж, үр дүнтэй шийдлийг санал болгох  
  • Олон төрлийн багуудтай хамтран ажиллах, оролцогчдын хоорондын уялдаа холбоог хангах
  • Ажлын үүрэг хуваарилах, цагийн менежмент
  • Нөөцийг үр дүнтэй хуваарилах, зохицуулах  
  • Системийн дизайны болон хэрэгжүүлэлттэй холбоотой эрсдлийг илрүүлэх, үнэлэх, бууруулах
  • Үйлчлүүлэгчидтэй харилцах, шаардлагыг хангах
© Гэр бүл, хөдөлмөр, нийгмийн хамгааллын яам