Үндэсний ажил, мэргэжлийн ангилал ба тодорхойлолт-08

Сум/галт хэрэгсэл/цацрагийн хамгаалалтын техникч нь эрүүл ахуй, аюулгүй байдлын стандартыг дагаж мөрдөх, галын/цацрагийн аюулаас урьдчилан сэргийлэх зорилгоор барилга байгууламжийн цацрагийн түвшнийг хянах, байгууламжид галаас хамгаалах хэрэгсэл суурилуулж, засвар үйлчилгээ хийнэ. Түүнчлэн цацрагийн бохирдлыг бууруулах, цаашид бохирдохоос урьдчилан сэргийлэх арга хэмжээ авна.

1. Ажлын талбайн галын/цацрагийн болзошгүй аюулын талаар ажилчдад мэдээлэл хүргэх;
   
2. Үйлдвэрийн бохирдлын заалт болон тогтоосон цацрагийн аюулгүй түвшний өгөгдлийг ашиглан ажилтнуудын цацрагт өртөх аюулгүй хугацааг тооцоолох;
   
3. Галын/цацрагийн нөлөөллийн хэмжээ, эрчмийг тодорхойлоход хяналт тавих;
   
4. Хувь хүний нөлөөлөл эсвэл талбайн цацрагийн хэмжээ зөвшөөрөгдөх дээд хэмжээнд ойртоход хяналтын алба, ажилтнуудад мэдэгдэх;
   
5. Хэвийн бус үзэгдэл эсвэл цацрагийн хяналтын төхөөрөмж, дохиололд анхан шатны хариу арга хэмжээ авах.