Үндэсний ажил, мэргэжлийн ангилал ба тодорхойлолт-08

Ангилал: 7112

Код 7112
Нэр Өрлөгчин, холбогдох бусад ажилтан
Төрөл Ангилал
Төлөв A
Үүсгэсэн цаг 2020-02-01 06:39:36
Тодорхойлолт
  • Өрөгч, угсрагч, холбогдох бусад ажилтан нь тоосго, урьдчилан зүсч бэлтгэсэн чулуу, бусад төрлийн барилгын гулдмайгаар өргийн зуурмаг ашиглан хана, хамар хана болон бусад бүтээцийг өрөх, угсрах, засварлах ажлыг гүйцэтгэнэ. Барилгын даацын болон даацын бус тоосго, төрөл бүрийн гулдмайн өргийн ажил гүйцэтгэх мэргэшил эзэмшсэн байна. Түүнчлэн бетон-арматурчин, өрөгч, угсрагч мэргэжлийн ажилтан нь барилгын суурь болон сувгийн газар ухах, нягтруулах, тэгшлэх, суурийн хажуугаар шороо хийж чигжих, хөрсний ус зайлуулах, хөрсийг хөлдөлтөөс хамгаалах, хөрс солих, хөрсийг нуралтаас хамгаалах, хөрсийг зохиомол аргаар бэхжүүлэх ажлуудыг гүйцэтгэх мэргэшсэн байна.
Гүйцэтгэх үүрэг
  • а) чулуу, тоосго, бусад ижил төстэй барилгын гулдмайгаар хана, хамар хана, пийшин, яндан, камин зуух, зуухны хөндий, утааны яндан, шарах, хатаах камер, уурын зуух, гүүрийн тулгуур, тулаасыг өрөх,
  • б) өнгөлгөөтэй өрөг өрөх, төрөл бүрийн системээр тоосгон хана өрөх, янз бүрийн гулдмайгаар (блок) хана өрөх, ханын өрөг арматурчлах
  • в) гадна хананд дулаалга хийх, дулаалга бүхий олон үет гадна хана арматурчилж өрөх, дуу тусгаарлах үе бүхий дотор хана өрөх
  • г) төрөл бүрийн ялуу угсрах, суурийн болон ханын гулдмай (блок) угсрах, тагт болон саравчны хавтан угсрах
  • д) хучилтын хавтан угсрах, бэхлэх, төмөр бетон татанги (ферм), дам нуруу, багана угсрах, бэхлэх
  • е) явган зам, замын хашлага, болон явган замын хучилгыг тавих,
  • ж) сүүдрэвч, цэцэрлэгийн хана бусад чимэглэлийн зориулалттай өргийг өрөх.
  • з) зуурмаг зуурч бэлтгэх
  • и) бүс болон зүрхэвч бетон цутгах
  • к) угсармал хучилтын завсрыг арматурчилж бетоноор чигжих
  • л) угсармал төмөр бетон, бүтээц эдэлхүүн тээвэрлэх, ачиж буулгах, хураах
  • м) ган бүтээц угсралтанд бэлтгэх, угсрах, тээвэрлэх, өргөх буулгах, хураах
  • н) өндөр болон олон давхар барилгын угсралтын ажил гүйцэтгэх
  • о) дулаалгатай худагт өрлөг өрөх
Ажил мэргэжлийн жишээ
  • өрөгч, угсрагч
  • гулдмай угсрагч,
  • галд тэсвэртэй өрөг гүйцэтгэгч
  • пийшин ба яндан өрөгч,
Холбогдох ажил мэргэжил
  • 7113 Чулуучин

Дэд ангилалууд

Төрөл Код Нэр
Мэргэжил 7112-11 Угсрагч, ган болон угсармал төмөр бетон бүтээцийн
Мэргэжил 7112-12 Өрөгч, тоосгон гүүрийн
Мэргэжил 7112-13 Өрөгч, төрөл бүрийн гулдмайгаар
Мэргэжил 7112-14 Өрөгч, үйлдвэрийн ба гидротехникийн байгууламжийн
Мэргэжил 7112-15 Өрөгч, чулуун зам
Мэргэжил 7112-16 Өрөгч, яндан, пийшингийн
Мэргэжил 7112-17 Өрөгч, жигнэх зуухны
Мэргэжил 7112-18 Өрөгч, шатаах зуухны
Мэргэжил 7112-19 Өрөгч, угсрагч, барилгын
Мэргэжил 7112-23 Барилгын хэв хашмал угсрагч
© Хөдөлмөр нийгмийн хамгааллын яам