Үндэсний ажил, мэргэжлийн ангилал ба тодорхойлолт-08

Ангилал: 6111

Код 6111
Нэр Тариаланч, ногоочин
Төрөл Ангилал
Төлөв A
Үүсгэсэн цаг 2020-02-01 06:39:31
Тодорхойлолт
  • Талбайд үр тариа болон хүнсний ногоо тариалагч нь бөөний худалдаа, маркетингийн байгууллага буюу зохион байгуулалтай зах зээл дээр тогтмол зарж борлуулах буюу нийлүүлэх зорилгоор эрдэнэ шиш, бусад амуу тариа, улаан манжин, малын тэжээл, бусад үр тариа, төмс, хүнсний ногоо зэргийг тарьж ургуулах, хураан авах ажиллагааг төлөвлөж, зохион байгуулж, гүйцэтгэнэ.
Гүйцэтгэх үүрэг
  • а) зах зээлийн үйл ажиллагаа, нөхцлийг ажиглаж судлах, тарьж ургуулах үр тарианы төрөл, хэмжээг тодорхойлох, үүний дагуу үйлдвэрлэлээ төлөвлөх, уялдуулан зохицуулах,
  • б) хөрсийг гараар болон машинаар боловсруулах, бордоо ба өтөг цацаж тараах,
  • в) үр сонгох, үрслэгч суулгах,
  • г) хөрс боловсруулах, шилжүүлэн суулгах, ургамлыг цэвэрлэх, услагааны тоног төхөөрөмж байгуулах, ажиллуулах замаар тарьцыг тэтгэх,
  • д) ургамал сүйтгэгч, хортон шавьжийг устгагч хэрэглэж зэрлэг өвс, хогийн ургамал, хортон шавьж, өвчнийг хянах,
  • е) малын тэжээлийн ургамал тариалж, ургац хураах,
  • ) үр тариаг зарж борлуулах буюу зах зээлд нийлүүлэх зорилгоор үзэж шалгах, цэвэрлэх, ангилах, савлах, хадгалах, ачих,
  • з) ажлын мал арчлах, фермийн барилга, байгууламж, тоног төхөөрөмж, усан хангамжийн системийг арчлан хамгаалах,
  • и) бүтээгдэхүүнийг хадгалах, боловсруулалт хийх,
  • к) бүтээгдэхүүнийг сурталчлах, зах зээлд борлуулах, бүтээгдэхүүн, материалын худалдаа, худалдан авалт, тээвэрлэлтийг зохицуулах, фермийн үйл ажиллагаа, гүйлгээний бүртгэл хөтлөх, үнэлгээ хийх,
  • л) үр тарианы үйлдвэрлэл, засвар үйлчилгээний ажил, хөдөлмөрийн эрүүл ахуй, аюулгүй байдлын дүрэм, журмын талаар ажилтныг сургах, хяналт тавих, ажилтан, гэрээлэгчдийг ажилд авах, халах.
Ажил мэргэжлийн жишээ
  • Тарианы фермч
  • Фермийн мэргэшсэн ажилтан (талбайн үр тарианы)
  • Хүнсний ногоо тариалагч
Холбогдох ажил мэргэжил
  • 1311 Хөдөө аж ахуйн үйлдвэрлэлийн менежер
  • 9211 Үр тарианы фермийн ажилтан
Тайлбар

Дэд ангилалууд

Төрөл Код Нэр
Мэргэжил 6111-11 Фермийн мэргэшсэн ажилтан /талбайн үр тарианы/
Мэргэжил 6111-12 Хүнсний ногоо тариалагч
Мэргэжил 6111-13 Тариаланч
Мэргэжил 6111-14 Усжуулагч
© Хөдөлмөр нийгмийн хамгааллын яам