Үндэсний ажил, мэргэжлийн ангилал ба тодорхойлолт-08

Нэгж бүлэг: 5322

Код 5322
Нэр Гэрээр асрамжлах үйлчилгээний ажилтан
Төрөл Нэгж бүлэг
Төлөв A
Үүсгэсэн цаг 2020-02-01 06:39:30
Тодорхойлолт
  • Энэ ангиллын ажилтнууд айл өрх, орон байр зэрэг газарт насжилт, өвчлөл, гэмтэл, биеийн болон оюун ухааны бусад нөхцлийн улмаас асаргаа шаардлагатай болсон хүмүүст өдөр тутмынх нь аж амьдралд хувь хувийн ердийн, хэвшмэл асаргаа, туслалцаа үзүүлнэ.
Чиг үүрэг
  • а) үйлчлүүлэгчдэд хувийн ариун цэвэр сахих, хооллох, хувцаслах, биеийн хөдөлгөөн, дасгал хийх, хүмүүстэй харилцах, холбоо барих, эм уух, хувцсаа солих зэрэг хувийн болон эмчилгээ, асаргааны хэрэгцээнд нь эрүүл мэндийн мэргэжилтний тогтоосон төлөвлөгөөний дагуу туслах,
  • б) өвчтөнд үзүүлсэн асаргаа, биеийн байдалд нь гарсан өөрчлөлт, асаргаа эмчилгээний үр нөлөөг тэмдэглэж, бүртгэл хөтлөх, анхаарах асуудлын талаар эрүүл мэндийн буюу нийгмийн үйлчилгээний мэргэжилтэнд мэдээлэх,
  • в) хөдөлгөөний бэрхшээлтэй өвчтөний байрлалыг өөрчлөх, өргөх, түүнийг тэргэнцрээр буюу машинаар зөөхөд туслах,
  • г) хоол тэжээл, эрүүл ахуй, биеийн дасгал, нярайн асаргаа, тахир дутуу буюу өвчний нөхцөлд дасан зохицох зэрэг асуудлаар мэдээлэл, зөвлөгөө өгөх, үйлчлүүлэгчдэд болон тэдний гэр бүлийнхэнд сэтгэл санааны дэмжлэг үзүүлэх,
  • д) орны даавуу солих, хувцас, хоолны сав суулга угаах, амьдарч байгаа орчныг цэвэрлэх ариутгах зэргээр үйлчлүүлэгчдийн орчны эрүүл ахуйн стандартуудыг хангах,
  • е) харилцан ярилцах, унших зүйл дуудаж өгөх зэргээр үйлчлүүлэгчдэд сэтгэл зүйн дэмжлэг үзүүлэх,
  • ж) хоол тэжээлийн шаардлага, эмчийн бичсэн тусгай хоолоор хангах үүднээс төлөвлөх, худалдан авах, бэлтгэх, хоолоор үйлчлэх,
  • з) шинээр төрсөн нярай хүүхдийг асрах, эцэг эхэд нь дэмжлэг үзүүлэх,
  • и) эмч, эрүүл мэндийн бусад мэргэжилтнүүд үйлчлүүлэгчдийг хүлээн авч уулзах хуваарийг гаргах, үйлчлүүлэгчдийг хөтөлж хүргэх, захисан зүйлийг нь биелүүлэх.
Ажил мэргэжлийн жишээ
  • Гэрийн асрамжийн туслах
  • Гэрийн эх баригчийн туслах
  • Сувилгааны туслах (гэрийн)
  • Хувийн асаргаа үзүүлэгч
Ажил мэргэжлийн жишээ
  • 2221 Сувилагч (мэргэжлийн)
  • 2635 Нийгмийн ажилтан (мэргэжлийн)
  • 3221 Сувилагч (туслах мэргэжлийн)
  • 3412 Нийгмийн ажилтан (туслах мэргэжлийн)
  • 5321 Сувилгааны туслах (клиник буюу эмнэлгийн)
Тайлбар
  • Гэрээр болон асрамжийн төвд хүүхдэд зориулсан асаргаа, хараа хяналтын үйлчилгээ үзүүлдэг асрамжийн ажилтныг нэгж бүлэг 5311 буюу “Хүүхэд асрамжлах ажилтан” гэсэн ангилалд оруулна.

Дэд ангилалууд

Төрөл Код Нэр
Индекс 5322-11 Гэрийн асрамжийн туслах
Индекс 5322-12 Сувилгааны туслах
Индекс 5322-13 Хувийн асаргаа үзүүлэгч
Индекс 5322-14 Гэрээр асрагч
Индекс 5322-15 Хөгжлийн бэрхшээлтэй хүний туслах
© Гэр бүл, хөдөлмөр, нийгмийн хамгааллын яам