Ажил мэргэжил

Код	5321
Нэр	Эмнэлгийн сувилгааны туслах ажилтан
Төрөл	Нэгж бүлэг
Төлөв	A
Үүсгэсэн цаг	2020-02-01 06:39:29

Тодорхойлолт

Эмнэлгийн сувилгааны туслах ажилтан нь эмнэлэг, клиник, асрамжийн газар зэрэг эрүүл мэндийн төрөл бүрийн байгууллагад өвчтөн ба оршин суугчдын өдөр тутмын аж амьдралд хувийн шууд туслалцаа үзүүлнэ. Тэдгээр нь ерөнхийдөө асаргааны тогтсон төлөвлөгөө, практикийг эмчилгээ сувилгааны болон эрүүл мэндийн бусад мэргэжилтэн, туслах мэргэжилтний шууд хяналтын дор хэрэгжүүлж ажилладаг.

Чиг үүрэг

а) эмнэлэг, нөхөн сэргээх болон суурин асрамжийн газарт өвчтөн болон оршин суугчдад эмчлэн сувилах болон эрүүл мэндийн бусад мэргэжилтний тогтоосон эмчилгээний төлөвлөгөөний дагуу дэмжлэг үзүүлж, асаргаа, эмчилгээ хийх,
б) хувийн ариун цэвэр сахих, хооллох, хувцаслах, биеийн хөдөлгөөн, дасгал хийх, холбоо барих, эм уух, хувцсаа солих зэрэг хувийн болон эмчилгээ, асаргааны хэрэгцээнд нь туслах,
в) өвчтөний байрлалыг өөрчлөх, өргөх, эргүүлэх, түүнийг тэргэнцрээр буюу хөдөлдөг орон дээр тавьж зөөх,
г) өвчтөний өрөөг цэвэрлэх, орны даавууг солих зэргээр өвчтөний орчны эрүүл ахуйн стандартуудыг хангах,
д) жирэмсэн болон ажилтай үед нь иллэг хийх, өвчин намдаах эмийн бус арга хэмжээ авах,
е) өвчтөний байдал, эмчилгээний үр нөлөө, зан төлөвийг ажиглаж, гарч буй өөрчлөлтийн талаар эрүүл мэндийн мэргэжилтэнд илтгэх.

Ажил мэргэжлийн жишээ

Ажил мэргэжлийн жишээ

Тайлбар

Эмнэлэг, сувилахуйн байнгын үйл ажиллагаа, хяналт бүхий байгууллага, суурин, газрууд (эмнэлэг, нөхөн сэргээх төв, суурин сувилгаа, сувиллын газар гэх мэт) оршин суугчдад хувийн асаргаа үзүүлдэг бөгөөд сувилагч, их эмч, бусад мэргэжилтэн, туслах мэргэжилтний шууд хяналтын дор ажилладаг ажилтныг нэгж бүлэг 5321 буюу “Эрүүл мэндийн туслах ажилтан” гэсэн ангилалд, харин оршин суугчдад тэдний гэрээр болон бие даасан эмнэлгийн нэгжүүдэд хувийн асаргаа үзүүлдэг, ерөнхийдөө эмнэлэг, сувилахуйн байнгын хяналттай ажилладаггүй ажилтныг нэгж бүлэг 5322 буюу “Гэрээр асрамжлах үйлчилгээний ажилтан” гэсэн ангилалд тус тус оруулна.

Үндэсний ажил, мэргэжлийн ангилал ба тодорхойлолт-08