Ажил мэргэжил

Код	72
Нэр	Металл, машин механизм, тэдгээрт холбогдох ажил, мэргэжлийн ажилтан
Төрөл	Дэд ангилал
Төлөв	A
Үүсгэсэн цаг	2020-02-01 06:38:06

Тодорхойлолт

Металл, машин, механизм, тэдгээрт холбогдох мэргэжлийн ажилтан нь цутгах, гагнах, давтах болон бусад аргаар металлыг хэлбэрт оруулах, хүнд жинтэй металл хийцийг босгох, суурьлуулах, засах, засвар үйлчилгээ хийх, механик багаж хэрэгслийг тохируулах, машин, механизм, хөдөлгүүр, автомашин, цахилгаан ба цахим тоног төхөөрөмжийг тохируулах, засах, засвар үйлчилгээ хийх болон төрөл бүрийн багаж, үнэт бус металл эдлэл хийх ажил эрхэлнэ. Ажлыг гараар болон тухайн ажилд шаардагдах биеийн хүч, цаг хугацааг багасгах, түүнчлэн бүтээгдэхүүний чанарыг сайжруулах зориулалттай гар багаж, бусад багаж хэрэгслийг ашиглаж явуулна. Ажлыг гүйцэтгэхэд үйлдвэрлэлийн процессийн бүх үе шат, хэрэглэгддэг материал, багаж хэрэгслүүд, эцсийн бүтээгдэхүүний мөн чанар, зориулалтыг мэдэж байх шаардлагатай.

Гүйцэтгэх үүрэг

Металл хайлш цутгах хэв, голлуурыг бэлтгэх, металл цутгах, гагнах ба металлд хэв оруулах, хүнд жинтэй металл бүтцийг суурилуулах, босгох, засвар үйлчилгээ хийх, засах, холбогдох тоног төхөөрөмжийг ажиллуулах, машин механизм, багаж, тоног төхөөрөмж, бусад эд зүйлийг хийхийн тулд ган ба бусад үнэт бус металлыг давтах ба хэв оруулах, төрөл бүрийн машин, тоног төхөөрөмжийг тохируулах, ажиллуулах, операторт тохируулж өгөх, аж үйлдвэрийн машин, механизм, түүний дотор хөдөлгүүр, моторт тээврийн хэрэгслийг тохируулах, засварлах, засвар үйлчилгээ хийх. Бусад ажилтны үйл ажиллагаанд хяналт тавих үүргийг энд оруулж болно.

Тайлбар

Төрөл	Код	Нэр
Бүлэг	721	Нимгэн төмөрчин, металл хийц бэлтгэгч, хэв цутгагч, гагнуурчин, тэдгээрт холбогдох бусад ажилтан
Бүлэг	722	Дархан, гараар давтах болон шахуургын дархан, холбогдох бусад ажил, мэргэжлийн ажилтан мэргэжлийн ажилтан
Бүлэг	723	Машин, механизмын механикч, засварчин

Үндэсний ажил, мэргэжлийн ангилал ба тодорхойлолт-08