Үндэсний ажил, мэргэжлийн ангилал ба тодорхойлолт-08

Нэгж бүлэг: 3351

Код 3351
Нэр Хил, гаалийн байцаагч
Төрөл Нэгж бүлэг
Төлөв A
Үүсгэсэн цаг 2020-02-01 06:39:06
Тодорхойлолт
  • Хил, гаалийн байцаагч нь төрийн хууль тогтоомжийн хэрэгжилтийг хангах зорилгоор улсын хилээр дамжин өнгөрч буй зорчигч, бараа, тээврийн хэрэгсэл, ачаа тээшинд хяналт тавьж, гаалийн бүрдүүлэлт хийх, татвар хураамж ногдуулах ажлыг эрхэлнэ.
Чиг үүрэг
  • а) иргэд улсын хилийг зөрчих болон хилээр валют, бараа, ачаа тээш материалыг хууль бусаар гаргахаас сэргийлж улсын хил, эрэг орчмыг хамгаалах,
  • б) улсын хилээр дамжин өнгөрч буй иргэд нь шаардлагатай зөвшөөрөл, бичиг баримттай байгаа эсэхийг шалгах,
  • в) бараа, ачаа тээш, валютыг улсын хилээр нэвтрүүлэх тухай хууль тогтоомжийг хэрэгжүүлэх, улсын хилээр өнгөрч буй иргэдийн ачаа тээшийг шалгаж, гаалийн бүрдүүлэлт хийх,
  • г) барааг дамжин өнгөрүүлэх болон экспортлох, импортлох тухай хууль тогтоомжийн хэрэгжилтийг хангахын тулд улсын хилээр өнгөрч буй тээврийн хэрэгслийн бичиг баримт, ачаа тээшинд үзлэг хийх, зохих төлбөр хийгдсэн эсэхийг шалгах,
  • д) гаалийн хууль тогтоомжийг хэрэгжүүлэх асуудлаар иргэн, албан тушаалтанд хууль ёсны шаардлага тавьж биелэлтийн хангуулах,
  • е) гаалийн бүрдүүлэлттэй холбоотойгоор аж ахуйн нэгж, байгууллагын байр, байгуулахад нэвтрэн орж үзлэг, тооллого хийх, тэдгээрийн данс бүртгэлийг шалгах, шаардлагатай тохиолдолд шалгалтын дүнгийн талаар шүүх хурал дээр гэрчийн мэдүүлэг өгөх,
  • ж) гаалийн хяналт, шалгалтанд холбогдох баримт бичиг, тайлбар, лавлагааг иргэн, албан тушаалтнаас гаргуулан авах,
  • з) гаалийн болон бусад татвар ногдох барааг нуусныг гэрчлэх баримт, материалыг татвар төлөгч аж ахуйн нэгж, байгууллага, иргэнээс түр хугацаагаар хураах, эсхүл хуулбарлан авах,
  • и) албан үүргээ гүйцэтгэх үед улсын хилийн хориотой зурваст нэвтрэх
  • к) гаалийн хууль тогтоомж зөрчсөн захиргааны зөрчилд хуульд заасны дагуу хариуцлага хүлээлгэх,
  • л) холбогдох бусад үүрэг гүйцэтгэх.
Ажил мэргэжлийн жишээ
  • Хилийн байцаагч
  • Гаалийн байцаагч
  • Паспортын албаны шалгалтын ажилтан
  • Гаалийн ажилтан
  • Цагаачлалын албаны ажилтан

Дэд ангилалууд

Төрөл Код Нэр
Индекс 3351-11 Гаалийн байцаагч
Индекс 3351-12 Паспорт шалгах албаны ажилтан
Индекс 3351-13 Хилийн байцаагч
Индекс 3351-14 Цагаачлалын албаны ажилтан
Индекс 3351-15 Хилчин
© Гэр бүл, хөдөлмөр, нийгмийн хамгааллын яам