Үндэсний ажил, мэргэжлийн ангилал ба тодорхойлолт-08

Нэгж бүлэг: 2263

Код 2263
Нэр Хүрээлэх орчны болон үйлдвэрлэлийн эрүүл ахуй, ариун цэврийн мэргэжилтэн
Төрөл Нэгж бүлэг
Төлөв A
Үүсгэсэн цаг 2020-02-01 06:38:36
Тодорхойлолт
  • Хүрээлэх орчны болон үйлдвэрлэлийн эрүүл ахуй, хөдөлмөрийн нөхцөл судлалын мэргэжилтэн нь хүрээлэх орчноос хүний эрүүл мэндэд нөлөөлж болохуйц хүчин зүйлсийг илрүүлэх, ажлын нөхцлийн аюулгүй, эрүүл саруул байдлыг хангах, хими, физик, радиац, биологийн биет, эргономикийн хүчин зүйлээс учруулж болох өвчлөл юмуу ослоос сэргийлэх үүднээс үнэлгээ хийх, төлөвлөх, хөтөлбөрийг хэрэгжүүлнэ.
Чиг үүрэг
  • а) эрүүл мэнд, аюулгүй байдалд учруулах орчны болон үйлдвэрлэлийн боломжит эрсдэлийг туйлын бага болгоход чиглэсэн хөтөлбөр, бодлого боловсруулах, нэвтрүүлэх, хянан үзэх,
  • б) арилжаа, аж үйлдвэр, эмнэлгийн болон гэр ахуйн хог хаягдлыг аюулгүй, хямдхан зохистойгоор устгах төлөвлөгөө, стратеги бэлтгэх, хэрэгжүүлэх,
  • в) халдварт өвчин устгах, хүнсний аюулгүй байдал хангах, бохир ус цэвэршүүлэх, хаях систем, ундны усны чанар дээшлүүлэх, бохирдсон юмуу осолтой бодисоос сэргийлэхэд чиглэсэн хөтөлбөр, стратеги хэрэгжүүлэх,
  • г) аюул ослыг олж тогтоох, мэдэгдэх, баримтжуулах, хүрээлэх орчны болон үйлдвэрлэлийн эрсдлийг үнэлэх, хянах, холбогдох хууль тогтоомжийг сахин мөрдүүлэх,
  • д) хими, физик, биологийн осол дагуулсан орчны болон үйлдвэрлэлийн бохирдлыг бууруулах хөтөлбөрийг боловсруулах, хэрэгжүүлэх, хянан шинжлэх,
  • е) ажилчин, оюутан, олон нийт, байгаль орчныг радиац зэрэг хорт туяанд өртөхөөс сэргийлэх, бууруулах, үгүй болгох, хянах үүнд холбогдох зөвлөгөө өгөх,
  • ж) машины хийц, тоног төхөөрөмж зэрэг ажлын байрны зохион байгуулалтыг ажилчдын хэрэгцээ шаардлагад нийцүүлсэн эргономик зарчмыг ажил хэрэг болгохыг хөхүүлэн дэмжих,
  • з) үйлдвэрлэлийн ариун цэвэр, хүрээлэх орчны эрүүл мэндийн асуудлаар бүх л төвшинд хүмүүст боловсрол олгох, мэдээлэх, сургалт явуулах, зөвлөгөө өгөх,
  • и) осол аваар, тоног төхөөрөмжийн эвдрэл гэмтлийг бүртгэх, шалгах, аюулгүйн гүйцэтгэлийг илтгэх,
  • к) осолдсон ажилчинд нөхөн олговор олгох, нөхөн сэргээлтэнд хамруулж, ажилдаа эргэж орох нөхцлийг нь бүрдүүлэх.
Ажил мэргэжлийн жишээ
  • Хүрээлэх орчны эрүүл ахуйн ажилтан
  • Үйлдвэрлэлийн эрүүл ахуй, ариун цэврийн байцаагч, зөвлөгч
  • Хөдөлмөрийн нөхцөл судлалын мэргэжилтэн
  • Радиацаас хамгаалах мэргэжилтэн
Ажил мэргэжлийн жишээ
  • 2133 Байгаль хамгааллын мэргэжилтэн
  • 2212 Нарийн мэргэжлийн эмч (олон нийтийн эрүүл мэнд)
  • 2221 Сувилахуйн мэргэжилтэн (олон нийтийн эрүүл мэнд)
  • 2269 Үйлдвэрлэлийн эмгэг судлаач
  • 3257 Эрүүл мэндийн байцаагч
  • 3257 Ажлын байрны эрүүл мэнд, аюулгүй байдлын байцаагч
  • 3257 Ариун цэврийн мэргэжилтэн
  • 3257 Ариун цэврийн байцаагч
Тайлбар
  • Хүрээлэх орчинд үзүүлж буй хүний үйл ажиллагаа нөлөөллийг үнэлэх, хянахтай холбогдох хөтөлбөр дээр ажилладаг мэргэжилтнийг нэгж бүлэг 2133 буюу “Байгаль хамгааллын мэргэжилтэн” гэсэн ангилалд оруулна.

Дэд ангилалууд

Төрөл Код Нэр
Индекс 2263-11 Хүрээлэх орчны эрүүл ахуйн ажилтан
Индекс 2263-12 Үйлдвэрлэлийн аюулгүй байдал, эрүүл ахуй, ариун цэврийн байцаагч, зөвлөгч
Индекс 2263-13 Хөдөлмөрийн эрүүл ахуйч
Индекс 2263-14 Цацраг туяа хамгаалалтын мэргэжилтэн
Индекс 2263-15 Хөдөлмөрийн нөхцөл судлалын мэргэжилтэн
© Гэр бүл, хөдөлмөр, нийгмийн хамгааллын яам