Үндэсний ажил, мэргэжлийн ангилал ба тодорхойлолт-08

Нэгж бүлэг: 1341

Код 1341
Нэр Хүүхдийн асрамж, халамжийн үйлчилгээний менежер
Төрөл Нэгж бүлэг
Төлөв A
Үүсгэсэн цаг 2020-02-01 06:38:25
Өөрчлөлтийн түүх
Тодорхойлолт
  • Сургуулийн өмнөх боловсролын сургалтын байгууллагын менежер нь боловсролын талаархи төрийн бодлого, хууль тогтоомжийг хэрэгжүүлэх ажлыг зохион байгуулах, хяналт тавих, биелэлтийг дүгнэх, тайлагнах, цэцэрлэгийг хөгжүүлэх хөтөлбөр, төлөвлөгөө боловсруулах, хэрэгжилтийг зохион байгуулах, цэцэрлэгийн төсөв, санхүүгийн үйл ажиллагааг төлөвлөх, сургалтын орчныг бэхжүүлэх, төсөв хөрөнгийг зориулалтын дагуу үр ашигтай зарцуулах, багш, ажилтны хөдөлмөрийн үр дүнг үнэлэх, урамшуулах, дэмжих, хариуцлага тооцох, цэцэрлэгийн өдөр тутмын үйл ажиллагааг удирдан зохион байгуулах үүрэгтэй.
Чиг үүрэг
  • а)сургуулийн өмнөх боловсролын сургалтын хөтөлбөр болон бага насны хүүхдийн бие бялдар, оюун санаа, сэтгэц, нийгэмшихүйн хөгжлийг дэмжих, чадвар эзэмшүүлэх цэцэрлэгийн түвшний хөтөлбөр боловсруулах, хэрэгжүүлэх,
  • б) төсөв зохиох, хянах, ажилтанд зориулж материал нөөц, тоног төхөөрөмж, засвар тордолтод хөрөнгө хуваарилах,
  • в) хүүхэд асран хамгаалах, хүмүүжүүлэх, хөгжүүлэхэд чиглэсэн цэцэрлэгийн өдөр тутмын үйлчилгээг хянах, зохицуулах,
  • г) багш, ажилтан бага насны хүүхдийг асран хамгаалах, хөгжүүлэх ажиллагааг чиглүүлэх, зохицуулах,
  • д) сургалтын орчин, хүүхдийн хоол хүнс, эрүүл ахуй, ариун цэвэр, аюулгүй байдлын стандарт, норм, нормативыг дагаж мөрдүүлэх ажлыг зохион байгуулах.
  • е) төрийн хууль тогтоомж, холбогдох стандарт, шаардлагад нийцүүлэн (хүүхдийн өсөлт, хөгжилтийн аюулгүй байдалтай холбоотой) байгууллагын дотоод дүрэм, журам боловсруулж мөрдөх,
  • ж) хүүхдүүдийн өсөлт, хөгжлийн явцад хяналт тавих, эцэг эх, асран хамгаалагч нартай зөвшилцөх, тэдэнд зөвлөгөө өгөх, сургалт зохион байгуулах,
  • з) хүүхдийн цэцэрлэгийн санхүү, эд хөрөнгийн данс бүртгэл, тооцоог хөтлөх, хянах,
  • и) багш, ажилтныг ажилд авах, мэргэжлийн ур чадварыг үнэлэх, багшийн ёс зүйн дүрмийг дагаж мөрдүүлэх.
Ажил мэргэжлийн жишээ
  • Цэцэрлэгийн эрхлэгч

Дэд ангилалууд

Төрөл Код Нэр
Индекс 1341-01 Эрхлэгч, 24 цагийн бүлэгтэй цэцэрлэгийн
Индекс 1341-02 Эрхлэгч, ердийн цэцэрлэгийн
Индекс 1341-03 Эрхлэгч, тусгай, асрамж, халамж, сувиллын цэцэрлэгийн
Индекс 1341-04 Хүүхдийн асрамж, халамжийн үйлчилгээний менежер
Индекс 1341-05 Өдөр өнжүүлэхийн менежер
© Гэр бүл, хөдөлмөр, нийгмийн хамгааллын яам