Ажил мэргэжил

Код	1312
Нэр	Усны амьтан үржүүлэгч, загасны аж ахуйн үйлдвэрлэлийн менежер
Төрөл	Ангилал
Төлөв	A
Үүсгэсэн цаг	2020-02-01 06:38:23

Тодорхойлолт

Усны амьтан, загасны аж ахуйн үйлдвэрлэлийн менежер нь загас барих, цуглуулах, загас өсгөж үржүүлэх, загасны аж ахуйн томоохон хэмжээний үйл ажиллагаа, үйлдвэрлэлийг төлөвлөж, удирдан чиглүүлж зохицуулна.

Гүйцэтгэх үүрэг

а) загасны аж ахуйн зах зээлийн үйл ажиллагаанд хяналт тавих, гэрээний шаардлагууд болон зах зээлийн эрэлт хэрэгцээг хангахын тулд үйлдвэрлэл, загас агнуурын үйл ажиллагааг төлөвлөх, б) төсөв батлах, удирдах, үйлдвэрлэлийн зардлыг хянах, загасны аж ахуйн менежмент зэрэг мэдээллийг цуглуулах, санхүүгийн болон үйл ажиллагааны тайлан бэлтгэх, в) бүтээгдэхүүн, барьсан загасаа худалдах асуудлаар худалдан авагчтай хэлэлцээ хийх,
г) загас агнуурын болон үржүүлгийн аж ахуйн үйл ажиллагаа, үйлдвэрлэлийн менежментийн асуудлаар хөлөг онгоцны ахмад буюу эзэмшигчтэй гэрээ байгуулах,
д) өвчин, шимэгч хорхойг танихын тулд усны амьтан үржүүлгийн ба загасны аж ахуйн нөөцөд үзлэг хийх ажлыг удирдан явуулах, зохион байгуулах,
е) загасны түрс шахах болон загасны үржлийг нэмэгдүүлэх, үржлийн орчныг өвчнөөс урьдчилан сэргийлэхэд чиглэсэн үйл ажиллагааг боловсруулах, зохицуулах, хэрэгжүүлэх,
ж) загасны амьдрах нөхцөлийг сайжруулахын тулд орчинд хяналт ажиглалт хийх,
з) загас барих, түрс шахах, түрсийг бойжуулах, зулзаган загасыг өсгөх ажлыг удирдах, хяналт тавих, менежментийн мэдлэг болон загасны аж ахуйн арга барилыг хэрэглэх,
и) түрс шахах загасны нөөцийг бүрдүүлж сонгох, арчилж тордох ажлыг зохицуулах,
л) нас гүйцсэн загасыг нуур, цөөрөм, гол, нөөцлүүр саванд шилжүүлэх ажлыг удирдах, хяналт тавих,
м) хөлөг онгоц, тор зэрэг тоног төхөөрөмж, хангамжийн зүйлсийг худалдан авах,
н) хөлөг онгоц, завь, тоног төхөөрөмжийг арчилж тордох, засварлах үйл ажиллагааг зохион байгуулах,
о) загасны аж ахуйн ажилтан, гэрээлэгчийн сонголт, сургалт, түүний гүйцэтгэлд хяналт тавих.

Ажил мэргэжлийн жишээ

Загасны үржүүлгийн аж ахуйн үйлдвэрийн менежер
Загасны аж ахуйн үйл ажиллагааны менежер
Загас агнуурын хөлөг онгоцны менежер

Холбогдох ажил мэргэжил

6221 Загасны фермч
6221 Загасны үржүүлгийн менежер
6222 Загас агнуурын хөлөг онгоцны ахмад (эрэг хавийн усны)
6223 Загас агнуурын мастер

Тайлбар

Дэд ангилалууд

Төрөл	Код	Нэр
Мэргэжил	1312-11	Дарга, эрхлэгч /менежер/, алба, хэлтэс, тасаг, ээлжийн /загасны үржүүлгийн аж ахуйн үйлдвэрийн/
Мэргэжил	1312-12	Дарга, эрхлэгч /менежер/, алба, хэлтэс, тасаг, ээлжийн /загас агнуурын үйл ажиллагааны/
Мэргэжил	1312-13	Дарга, эрхлэгч /менежер/, алба, хэлтэс, тасаг, ээлжийн /загасны агнуурын хөлөг онгоцны/

Үндэсний ажил, мэргэжлийн ангилал ба тодорхойлолт-08

Ангилал: 1312

Дэд ангилалууд